0

Carpon Si Huut Badag !

Carpon Si Huut Badag ! Kabeh geus pada apal , kabeh ge geus pada ngarti saha ari si Boti ? he he mani terkenal kitu nya ! boa boa manehna teh selebriti ti luar nagri, da ningali ngaranna mah siga urang italy, enya tempat para bintang sepakbola  aksi kapinteranana ngagiring ball , cungcat cingcet ngahindarkeun tekel ti lawan lawanna, ngadeukeutan kotak pinalti , tembak satu kali  “ Goo..l ! ah rame pisan nya ?

Atawa si Boti teh panyanyi kitu ? siga panyanyi luar nagri deui wae , saha nu teu apal ka si jon bon jovi tea atuh , heueuh gening nikmat rek sare ngadengekeun si jon teh nyanyi lagu “ bed of rosses “ tea ah asa ku enya we kadang mah ka bawa ka alam ngimpi, nyambung deuih ngimpi kuring mah da sok di setel samemehna, kadang di delaykeun atawa di slow motion keun , geura mun aranjeun bisa nikmat kacida ! komo bari bisa ngeditna mah, rek ningali ngimpi nu mana jeung nu kumaha tinggal muter chanel ceuli , mangka jadi !, hebat pisan nya , da can aya teknologi na ge !

Mun bener anggapan aranjeun si boti saperti kitu, ku kuring di bere nilai saratus persen ! he he ngan saratus persen salah ! naha kulan ? rek teu salah kumaha atuh , da ari si boti nu ieu mah lain pamaen maenball tea atawa panyanyi siga bon jovi, na saha atuh manehna teh ? si boti nu ieu mah boti si tukang kuli ! he he ceuk uing ge salah pan, kutan ? tapi naha tukang kuli teh siga anu terkenal kitu , naha manehna boga kaahlian naon nya ?

Nya, si boti boga rupa rupa kaahlian ! pada apal kabeh ge , nu kahiji tara ngukur ka kujur ! na kumaha kitu gan tah ? enya , manehna ngomong cenah kieu “ Uing rek meuli mobil ah meh teu cape ari gawe teh ! kitu basana , hehe coba ituh , maenya rek kuli make mobil , moal ge aya anu daekeun nitah atuh ! jeung deui duit ti mana atuh jang meulina nya gan, heueuh lain teu percaya ka jalma , ngan sagala rupa ge ningali lilianganana meureunan. Liangna gede nya tereh asup kahayang teh , nya ari liangna leutik mah nyakitu atuh,  renghap ranjug hayang ngumpulkeunana ge nya,

Nya kuring panasaran hiji waktu mah, “ kumaha ti , jadi meuli mobil jang gawe teh ? kuring tumanya, ” manehna melong “ can Ba, cape keneh gawe, keun gampang we nu kitu mah ke mun geus rada salse, da moal sabaraha hargana nya  ? ceuk manehna “ Da ari ngadenge mah avanza ge ukur sajuta lain ?  kuring mah hayang anu rada necis lur, mercedes benz atuh bae dua juta ge ! omongna .

Na hate “ Euh ari si huut badag, nyarita siga nu enya, mana aya harga avanza atawa mercedes benz ukur sajuta dua juta” gerentes teh , he he karasa kunu maca ge heueuh bari hayang seuri hate mah , tapi bae lah keur ngimpi meureunan manehna teh ! komo basa manehna ngomong deui mah teu katahan kuring kalepasan seuri nyakakak da enya atuh manehna ngomong kieu “ tah memeh meuli mobil teh , meuli heula apartement atawa villa nya ba, nyieun kolam renangna eusian ku lumba lumba meh endah , tah waktu kuring seuri nyakakak tea manehna tumanya, “ Naha seuri ba , lucu kitu ? tanyana. Bari mengkek piseurieun kuring ngajawab , heueuh bisi asa ka singgung si huut badag teh “ Lain kitu Ti, tapi aya ku cerdas pikiran teh , jawab kuring bari seuri, katingali manehna ge seuri, beungeutna marahmay , asa kapuji meureun, bari pok “ Saya tea atuh “ ceuk hate ieu mah “ koplok asa ku teu ngujur ka diri ! lain mikir kalah umagung.

Naon tah anu kadua ? nu kadua kaahliannana nyaeta ngawurkeun huut badag alias ngomong anu batur ge nyaho eta omongan atawa kahayang teh moal bisa katedunan ku kaayaan , cohagna mah bohong ! enya coba we tengetan ku salira hey anu maraca ! na kumaha kitu ? ceuk manehna , heueuh si boti alias si huut badag , manehna di gajih gede,  jelema pada sareuri deui , coba mana aya atuh kuli anu di gajih coy ! da ari duit kuli mah kumaha beubeunanganana atuh , aya komisi lumayan euweuh ngegel ceuli mun katepi, he he ngegel curuk mah biasa teuing ah, tapi keun bae nya , anggap we paragi ubar sedih da mun geus ngobrol jeung si boti mah sok ngadadak sukaseuri ku polahna tea , lumayan jang ubar mah .

Nu katilu kaahlian si boti sami, heueuh ngahuut badag tea, pokna “ ku urang mah ba , maneh  nyaho si eti ? tanyana , kuring unggeuk “ Nya ti, si eti gadis jujur anu terkenal tea ! pok teh “ tah , gaul gening ente ge, nya eta pan ngudag ngudag ka sayah teh , teu sirikna depa depa hayang ku kuring di pikacinta. Naha atuh ti, jadikeun wae , keun kuring nu nganter na mah bari nungtun cucunguk euy ! cekeng teh heureuy . Lain kitu ba , justeru sayah teh bingung, si oneng ge da naksir ka uing teh, can si maskenoh nu urang tanjakan tea gening , mengkol teh saeutik si sariyem ngahiap hiap, coba rek kumaha mun kitu ? maju deui ka pengolan nu hareup geus lol si neneng , matak bingung ari laris teh nya? Kuring unggut unggutan, naha helok kitu ? lain lur, lieu..r puguh !, da nyaeta can neleh si boti mawa wanoja, ari nyarita naa..siga ka budak rodek hulu ka uing teh ! he he seuri deui mening ge, lanjut !

Nya atuh , kabeh we Ti siuk kagok teuing  ! kuring ngaheureuyan , manehna nyerengeh , heueuh saliwat mah sok karunya , sakapeung sok hayang seuri , da kitu gening mungguhing sipating jalmi mah nya gan ,he he ceuk bapana mamat stones tea gening, aringet keneh ? he he sok ngacung dek nu mana ge nu ngacung na mah ! he he ngan kuring teu tanggung jawab ah .

Nali mangsi nu maranti we ayeuna mah nya agan agan yang berdasi , nya urang pungkas carita , keun atuh si boti hayang meuli mobil murah mah loba , samalah bisi aranjeun harayang mah hayu urang anteur ku kuring ! mobil naon wae oge aya , dek kapal cai atawa kapal udara ge loba  ! wah ari taeun teh, kumaha tah hargana he he ceuk budak ayeuna mah “ Amat terjangkau cenah “ bisi teu apal tempatna tuh di mang nandi teh usi , sok pilih di dinya loba otomotip naon ge .

Tah bisi hayangeun villa mah urang neangan sisi cai , nyieun vivilaan dina pipiti, he he moal lila ge jadi, ngan saeutik rada bau tarasi,  tong hariwang ka awewe anu cenah mikahayang ka manehna eta sarua bobohongan , ari gajih gede tea kumaha ? keun eta ge urang nyiar we gajih domba atawa sapi da geus deukeut ka rayagung cikruh gera , urang ngintip babarengan , sugan mawa gajih sakarinjang bikeun ka si boti meh teu kudu kuli kituh ari geus di bere gajih loba mah nya , ha ha mangga atuh ah da lumayan huut badag ge jaman ayeuna mah laku pisan panan ?  nu seuri nyolokan ceuli 16.

 

 

Asep Zepelin

Hanya Manusia Biasa Dengan Sejuta Mimpi yang akan menjadi nyata.

Leave a Reply

Your email address will not be published. Required fields are marked *