0

Carpon Si Betekok !

Carpon Si Betekok !

 

carpon si betekok

He he nya hayang seuri ari ngadenge lalandihan teh, teu ka awewe teu ka lalaki aya wae, kurang kurangna mah matak piomongeun, nyakitu oge , ari geus rek di kumahakeun atuh ! heueuh nyai uka ge kitu di lalandih si betekok ! eh karunya cekeng ge di hanteu hanteu ge sarua manusa , tapi da kumaha atuh ari taeun teh , da nyurup keur mah lalandihan teh, heueuh manehna awakna pendek bodoyot, mata siga mata  jengkol ah pokona mah tegep we di landih kitu teh , heueuh da ari kuring mah ukur sok nyerengeh we pada pada ceuk hate teh.

Samalah ceuk si omeng mah “ he he pantes euy moal matak hese mawa ! “ Naon kitu meng ? tanya kuring teh, “ si omeng seurideui “ Enya moal matak susah euy ! sare teu kudu make kasur , ku manehna ge geus leuwih ti kasur !omongna bari nyeukeueuk seuri deui siga nu ngenah. Terus kadituna kumaha meng ? cekeng teh. “ Enya mun nejo pudunan , kari ngagulungkeun , heug gorolongkeun pan tereh ari kitu teh lain? Maehna malik nanya “ Heueuh kana kitu na mah meng ! seuri deui si omeng teh .

Hiji waktu mah aya anu matak seuri ager ageran atuh , ku si betekok teh ,naon kitu tah mang , aya naon deui atuh ? “ ah kuring mah sakadar ngadengekeun ceuk tadi ge ! heueuh si jumad harita mah nu matak nyieun pikaseurieun gede teh , isuk isuk manehna sok ka kebon da geus biasa si jumad mah kitu pagaweanana, terus ?  waktu menehna babad deukeut kebon si betekok tea , pohara ngarenjagna, tah non anu katempo ku manehna teh ?

Ku sabab bala , di babad oge ngan manehna rada reuwas , malah mah rada luncat , heueuh dina deukeut eurih aya anu matak pikasieuneun manehna ! “ kumaha kitu?  Nya ke sabar heula nya, hayang ngopi heula, saregot we nya ! hayu urang teruskeun !, tah manehna teh ningali sungut oray da kadenge ngagebosna teh  “ buss..! cenah di sadana teh sabaraha kali tah jaba ka ambeu bau ! matak ti paparetot umpat muru ka si jojon anu keur sarua di kebon , Jon kadieu euy ! gorowokna hariweusweus. Si jojon colohok ,ancad manehna nanya “ aa yaa naa on maad ? aduh euy aya oray gede, ngagebos sadana ge jaba bau euy ! si jumad ngabejaan, panasaran duaan aehna baralik eui kana naon ku si jumad katingali bari di sangka oray.

Nyokot awi jang pangebug , jang taki taki meureun , da angger ari oray gede nolol mah angger we paheula heula lumpat nya ! tepi ka tempat tadi , sep  kadenge si jumad nyarita “ati ati jon, bisi meulit oray ede mah ! s jojon unggeuk, ngarti meureun , ari keur ngarintip bari tingkareteyep na ari lol teh! Naon tah mang ? oray meureun “ he he bari reuwas sarta luncat dua nana mundur , heueuh ari lol tinu bala teh, ih si betekok gening, reuwas we da di sangka mah oray gede atuh !  manehna nyerengeh , ngangsrodkeun calana, bingbrit indit , geboy gajah ah geus loba teuing geboy meri mah !

Tinggal si jumad jeng si jojon silih pelong “ Gening si betekok mad ? tanya na  si Jumad rada hulang huleng “ Heueuh jon euy , ari nu tadi ku uring katingali naon atuh , pangangguran nyingkabkeun eurih , katingali aya anu ngadungkuk “ bedul teh euy ,gening ngising euy si betekok teh! Maranehna rada seuri  si jojon malah nanya ka si jumad “ heueuh mad, ari tadi orayna buluan teu euy ? si jumad ngahuleng . anu antukna mah maranehna sing carakakak , ngarti naon anu sabenerna di tenjo tadi ku si jumad , duka naon , sok pada neguh we nya ! 2016

 

 

Asep Zepelin

Hanya Manusia Biasa Dengan Sejuta Mimpi yang akan menjadi nyata.

Leave a Reply

Your email address will not be published. Required fields are marked *